胡定欣永不言敗的性格，令她最愛接受新挑戰，雖然她外表弱質纖纖，打起上來卻有板有眼，她在《拳王》中飾演聾啞拳手「丁丁」，全程要靠「手語」、身體語言做戲，但她坦言最高難度是挑戰體力極限！
「為了個角色，開拍前我要在兩個月內速成學會手語，不過最大難度係要練拳，要訓練自己打拳的力量、速度！有一次我同真正嘅女拳手拍打戲，我被佢打中咗一拳之後，真係當堂痛到嗌出嚟，最難忘有一幕打戲，我要跳起膝撞對方，好彩我正式埋位時都成功做到，但如果依家再叫試多次，我諗我未必做到！另外仲記得我第一次埋位拍打戲，點知徐榮唔識就力，搞到我成隻腳都瘀晒！」