擇偶在乎緣分
對於外界經常報道定欣是「港女」、又有「公主病」，更是金錢至上，不過敢愛敢恨的定欣卻要為自己大平反，她更揚言對於理想男友的條件「唔揀擇」！
「其實我對感情事係順其自然，我唔會set條件，最重要睇緣分！兩個人相處最重要係坦誠相對、互相遷就，最重要係對方有內涵，我唔係好信一見鍾情，同另一半發展一定要經過『朋友』呢個過程！不過就算我鍾意對方都一定只會暗示，唔會主動開口，因為女仔始終都要矜持！可能大家睇到我喺《當旺爸爸》入面對老公諸多管制，就以為我現實中都係咁，其實我諗每個女仔都總會有啲嘢睇唔過眼，會好忟憎，呢個係女仔嘅天性。
我強調我係會有自己意見，不過都係因為對方嘅需求去平衡件事，唔係霸道！」