Rosemary寸爆舊愛：又嚟？
名模Rosemary舊愛Gordon被傳與女歌手連詩雅相識，Rosemary前晚出席活動時寸爆Gordon：「又嚟？」又大爆他「極受歡迎」！
模特兒Rosemary、寇鴻萍與大女唐貝詩等前晚出席假灣仔演藝學院舉行的《ANNIE小安妮》百老匯音樂劇首演禮。對於連詩雅與曲赤的脷疊脷慾照近日成熱話，更指她經常夜蒲攬仔，亦認識Rosemary舊愛Gordon，前晚Rosemary聞言後，即寸爆表示：「又嚟？（Gordon識連詩雅？）我仲可以講啲乜？佢好受歡迎，仲好似好忙！」不過，她表示已沒有和Gordon聯絡，自言無影過親密照，亦不認識連詩雅。
唐貝詩會影蜜照
至於唐貝詩則表示有留意報道，自言未影過慾照，在旁的母親寇鴻萍聞言說：「安樂晒，咁就唔使驚！」而唐貝詩則力撐連詩雅：「我欣賞佢好Strong（堅強），我同佢有共同朋友，但未試過一齊Clubbing。（認識曲赤？）唔識。」問到是否抗拒影「蜜照」？她則說：「我明白好Sweet時候好難講，但又好危險。」寇鴻萍透露女兒現時勤力返工，但會鼓勵她擴大社交圈子，又經常提醒愛女不要隨便影相。同場的陳國熹偕老婆葉童睇音樂劇，現場見陳國熹消瘦不少，惟兩人婉拒受訪。
曲赤自認好少蒲
另外，連詩雅舊愛曲赤前天與許穎出席完活動後，便到中環食飯，同場還有公司新人Yuna及其他同事，曲赤與Yuna有說有笑，似未受慾照事件影響心情。事後曲赤說：「我唔係去玩，只係食嘢，本身心情唔係咁好。」問到會否戒蒲？他說：「我本身都唔多蒲，但我係一個Rapper，要出去做活動，所以亦戒唔到（蒲）。（老婆反應？）全程Support。」
文：專案組