歌手官恩娜（Ella）日前為健康及個人護理產品拍廣告，穿斜膊短裙大騷誘人長腿；見到拍攝現場有部單車，Ella即雀躍地踏單車繞場一圈，表現得精力充沛！Ella笑說：「廣告商可能就係睇中我鍾意做運動，覺得我夠健康，先揀中我拍廣告。」
身材甚fit的Ella還分享健美心得，她指平日除多做運動和進食蔬菜水果外，還有一個簡單貼士：「我每日都會飲豆漿同補充維他命C，豆漿可以調節女性內分泌兼延緩衰老，維他命C就可以增強免疫力，呢幾個月拍劇唔夠瞓，唔少工作人員都病咗，唯獨我冇被傳染咋。」
