陳君宜孖老公小島摸黑浪漫
徐子淇好友兼時裝網站老闆娘陳君宜（Qinnie）與富商老公鄭躬明向來熱愛水上活動，去年二人齊齊考獲船牌，日前就首度自駕出海並在小島度春宵，享受二人世界。
Qinnie與老公去年考獲二級船牌，二人直至最近才首度嘗試自行駕駛快艇的滋味，揚帆出海，親親大自然，Qinnie透露老公十分叻仔，考牌一次便合格，但她則要連考兩次才過關：「因為試題太多機械知識，我要好落力、勤力，花咗成個星期時間不斷咁溫書先考到，不過，到我考到牌嘅時候已經係冬天，所以等到最近天氣開始熱先第一次揸快艇出海。」
珠海練賽車
日前Qinnie與老公駕駛快艇到了西貢大浪灣，及在小島上過夜，度過浪漫又難忘的一夜，她回味說：「我哋多數同朋友喺島上搭帳蓬過夜，有時得我同老公兩個人，我哋會一齊瞓喺度睇星星，真係好浪漫。（有冇趁機造人？）個問題太私人喇，唔答。」享受日光浴之餘，他們還在船上釣魚，並將釣到的大魚拿到島上作BBQ。另外，Qinnie最近愛上賽車活動，經常前往珠海練習賽車，表現專業，玩轉海陸。
文：名人組