陳偉霆負傷晒馬滴汗

日前陳偉霆與吳浩康、曾國祥及徐少強兒子徐偉棟，晚上於佐敦為英皇電影《紮職》開工，拍攝一場「晒馬」大場面，William聯同曾國祥及徐偉棟帶領一批人馬，與吳浩康及其手下數十人當街叫罵，場面聲勢浩大，吸引大批市民圍觀。

濕身誘女fans

雖然當晚沒有打鬥動作，但在酷熱的天氣下，各人都汗流浹背，不用埋位時紛紛脫下外套，大展fit爆身材！穿上白色背心的William和徐偉棟更加是濕到透，引到在場等候的女fans眼甘甘，就連吳浩康也說：「真係好熱，企喺度都會流汗！」

放大圖片	William與吳浩康分率兩班人馬於熱辣辣的街頭「晒冷」，甚具氣勢。	徐少強兒子徐偉棟展示手臂的瘀傷。

拒談阿Sa心痛

William看似威風地率領成隊人，但其實他因拍戲已周身傷，他向記者展示盡瘀的雙臂，並笑說：「今晚好似帶住好多人，但之前拍親都係畀人打嘅戲份，導演仲好似話會再加被打戲。（阿Sa會唔會心痛？）大家拍戲都係咁啦！（有冇請教吓阿Sa點拍打戲？）我都有學打拳嘅。」至於戲中有多場吸煙戲，William直言不擔心影響形象，相信fans會懂得分辨錯對。

文：追蹤組