偉仔 黎明撇老婆夜半搵食

貴為影帝的梁朝偉和黎明，除了同是好戲之人，亦相當識食，日前兩人齊齊撇低嬌妻劉嘉玲和樂基兒，各自單拖出動搵食。向來深閨的偉仔，當晚趁不用開工，相約葉童老公陳國熹等於金鐘某酒店食西餐、品紅酒，飲到面紅紅的偉仔，當晚約12時離開酒店，雖然時至深夜，偉仔一雙電眼魅力不減，但就貫徹低調作風。

人群中顯低調

便服打扮的偉仔離開酒店時，刻意站在人群最後面，以免引起騷動，並靜待保母車駛近，始急步穿過人群步出，與老友們揮手告別後立即登車離開，雖然當時酒店門口聚集不少旅客和巿民，但大家對影帝的出現卻顯然完全未有察覺。

梁朝偉撇低老婆，低調歎西餐，並不時以電眼左右掃射。	放大圖片	樂基兒與黎明近年少有齊齊現身。（資料圖片）

身形發福不少

另一邊廂，黎明則喜愛潮式美食，日前他身穿便服單拖於上環打冷，食至晚上十一時，戴上眼鏡的他，手持風褸步履輕盈地步出，顯然食得相當滿足。不過，可能因近日黎天王頻頻食好嘢，身形似乎較之前發福不少。離開一刻，他友善地向店員們揮手，盡顯天王風範，繼而直上保母車回家。

文、攝：追蹤組