趕做老闆四圍騰 徐淑敏呻似工廠妹

靚媽徐淑敏（Suki）昨日帶病現身一大型商場，出席品牌「日清食品」的活動，Suki與日清高層一同主持揭幕儀式，更頒發獎品給得獎小朋友。
徐淑敏抱恙上陣，自言感覺好似發緊夢一樣。
徐淑敏抱恙上陣，自言感覺好似發緊夢一樣。

Suki昨日出席活動「日清滋味滿Fun嘉年華」，連續第二年以嘉賓身份參與活動，並於台上大展歌喉及與現場觀眾玩遊戲。原來Suki是抱病出席，她表示：「依家有少少發燒同標冷汗，不過唔擔心一陣上台唱歌會走音，依家好似發緊夢一樣。」

與老公黃浩育有一對囡囡的Suki，四口之家樂也融融。（資料圖片）
  • 與老公黃浩育有一對囡囡的Suki，四口之家樂也融融。（資料圖片）
徐淑敏與黃浩出外撐枱腳，過其二人世界。
  • 徐淑敏與黃浩出外撐枱腳，過其二人世界。
徐淑敏頒發獎品予得獎小朋友。
  • 徐淑敏頒發獎品予得獎小朋友。

照顧患病囡囡

Suki表示為了照顧生病的囡囡而被傳染，她說：「已經帶咗佢哋睇醫生，醫生都話冇咩事，不過都因為咁幫佢哋請咗幾日假。」問她老公黃浩可有照顧她們三母女？Suki亦呻老公忙於生意，都未能親自照顧她們。

赴法學調香水

即將榮升老闆的Suki下星期會到法國，並會花兩星期於當地學習調製香水，她表示：「本來今晚上機，不過因為病而delay到下個禮拜，（搵咗舖未？）返到香港先搵，相信喺中環，預計十月中開張，（會唔會好趕？）係有少少，不過已經搵咗裝修師傅嗰啲。」Suki並透露會於書展出現並大派禮物，但現在先為製作小禮物而衝刺，她笑言自己每天好像工廠女工一樣。而為了鬆一鬆，Suki日前就與老公黃浩撇下一對囡囡，兩夫婦外出用膳撐枱腳，過其二人世界，浪漫一番。

文：影視組