Mark不甘被跣 同趙哲妤劃界
Mark Ryan、模特兒林莉等前晚出席時裝活動，早前被拍到與趙哲妤（Uny）撐枱腳而傳緋聞的Mark，甫到場即就緋聞向記者大吐苦水，他再三強調：「我要澄清，我同Uny係朋友，雖然大家知係咩一回事，但我唔想故事再發展落去。我係因為電台節目而認識佢，只係見過三次面，我依家單身，但唔係嗰回事。」
在乎「前度」感受
問他不怕此番言論令Uny受傷害？Mark暗示有人利用他做新聞：「我唔想件事再錯落去，佢如果繼續講，有佢原因，我諗佢會明白係咩狀況，我最好澄清。（劃清界線﹖）我從來冇講過。」至於是否覺得有人借作宣傳？Mark未有否認，只說：「我想用呢個機會重新澄清，我唔想啲人問阿Joyce（欣宜），令佢造成壓力。」他直言與欣宜再見亦是朋友，故在乎對方感受。
對於Mark的劃清界線言論，Uny昨日透過電話表示從未講過二人有發展機會：「冇講過，一直都係朋友關係，唔可以踩人，追女仔會有表示，但佢冇。（你借佢宣傳？）冇，我想專注事業，緋聞對我嚟講唔係好事，真命天子睇到唔係幾好，要宣傳我都搵前男友啦！」
林莉唔介意透點
同場林莉以吊帶裙性感到場，她稱為求專業，不介意凸點或透點行騷，更直言想拍戲，但因身材高挑難找對手，惟有專注模特兒工作。
採訪：名人組