吳雨霏林德信 情侶檔扮唔熟
歌手吳雨霏（Kary）和緋聞男友林德信（Alex）前晚首次以「情侶檔」出騷搵銀，初時兩人表現避忌零接觸，但「一支咪」就將彼此間的隔膜打破！連農夫成員C君也揶揄二人，吳雨霏又爆寡言的Alex也有健談的一面，自揭兩人情非泛泛。
前晚吳雨霏首度和Alex以「情侶檔」姿態現身時裝品牌活動，起初兩人表現生外，拍合照時既沒交談，也沒有互望，但當擔任司儀的C君訪問這對緋聞男女時，吳雨霏自然地將手上的咪交給Alex，輪到吳雨霏要回答時，C君和Alex同時遞上咪，最終吳雨霏揀了Alex那支咪，實行一咪兩份用！C君見兩人默契十足，也出言戲弄吳雨霏：「你揀咗佢（Alex）支咪呀！」
怕醜仔私下開籠雀
二人在受訪時明顯放下戒心，不時帶笑互動，齊聲說是朋友及同事關係，非「情侶檔」，吳雨霏大方說不抗拒和Alex齊工作，問她可擔心被人覺得是一對？她謂：「大家唔好咁敏感，最緊要賺多啲錢。」有人提議兩人再度合作，吳雨霏竟拒絕說：「怕大家覺得悶。」
Alex笑言自己可能有「陌生人恐懼症」，不愛說話又怕醜，但吳雨霏忍不住爆他的秘密：「佢都有好多嘢講，唔知點解出到嚟就咁怕醜！」Alex也言：「好熟嘅就知我真面目。」問吳雨霏和Alex是否很熟？她仍死撐謂：「朋友囉。」
另外，C君早前到台灣旅行時成為「新聞人物」，他稱：「我去食刨冰，點知間店執咗笠，有記者訪問我，但佢哋唔知我係香港歌手。」問他在台灣零知名度，可感失望？C君高叫：「好失望！」
文：音樂組