金剛唔認細 歡迎格劍

這批疑似天華露股、金剛露械的照片，上月起在同志網流傳，金剛「亮劍」更惹來兩極熱議，有內地網民稱「靜止狀態都那麼猛，金剛亮瞎了我的眼」，但亦有網民以「小小小小鳥」將之形容，不滿金剛太「小器」。

認冇做防範措施

金剛昨日回應時盡顯寵辱不驚的大氣魄，他說：「我雖然唔係同志，但都要講聲多謝！話我『小小鳥』嘅，冇乜好介意，我唔使同唔識嘅人解釋，我身邊啲兄弟見過就知乜事，我對自己絕對有信心，大到不得了，有人覺得我細嘅，出嚟格吓！我有少少唔明點解啲相會流出街，我真係要收番錢呀！（有冇被愛影男星裸照嘅劉公子睇中？）冇搵我，我唔識佢，只知佢係新聞人物。」

正身在佛山工作的天華則說：「我係全裸拍呢場戲，導演講明出街唔會見下身同器官，所以我絕對唔相信啲相係事實，應該係網友後期加工，我當係開玩笑。（拍時有做防範措施？）現場全部麻甩佬，唔使啦，想被人話『好勁呀？』」

露股前輩都紅晒

問到可會擔心影響形象？天華自信十足說：「唔擔心，好多前輩都露股、全裸，後來都紅晒。（上同志網都唔擔心？）可能開拓到新市場，但我暫時未諗要開拓裸露市場。」對於金剛被譏小器，天華表示純為觀點與角度：「我望佢覺正常，唔知話金剛細嗰個，本身係咪黑人？」

文：影視組