Leggings炎炎夏日更黐身
雖然天氣開始炎熱，但「黐身」的Leggings仍能在夏天潮起來！它不再只是冬天的玩意，運用不同質料、圖案及顏色，已經可演繹截然不同的效果。可是選購時要特別小心，因為貼身褲容易令人看起來肥胖，而且上衣的配搭亦是非常重要。現在就讓著名時裝作家Janice，給各位愛美的女士們小貼士吧。
蔡卓妍
「好睇得嚟非常有驚喜，係高難度嘅造型？要好大勇氣先着到，全身都係同款Pattern易着肥人，佢纖瘦所以效果好靚。」
何超盈
「好高貴，佢向來都係行淑女路線，以皮質料貼身褲，更加突出女性氣質。」
楊思琦
「整個造型好奇怪，下面唔應該着襪，其實條Leggings襯對波鞋會好啲。」
瑪莉亞卡里（Mariah Carey）
「唔雅觀，同埋好尷尬。Leggings唔可以當褲着，如果佢登台都還可以。」
陳思思
「幾好睇，畀人感覺又自然又舒服，顏色亦配搭得好，有春夏嘅Feel。」
吳雨霏
「黑色同白色好保險嘅着法，比較Casual。」
薛凱琪
「太多亮點，變為冇亮點。以街頭潮人打扮，上衣、Leggings、鞋、手袋都好青春搶眼，如果簡約啲會好好睇。」
楊崢
「其實唔使再配Leggings，加咗反而冇咗線條，條裙已經係直身，又夠長，唔需要用嚟作打底。」
王麗儀
王麗儀（Janice Wong），時裝作家及博客（Blogger），是首位華語媒體於16年前，遠赴歐美時裝周報道的時裝編輯。她經常為香港及海外的時裝設計比賽擔任評判；另外，美國CNN旗下亞洲生活時尚網站讚譽她為「香港首位真正的時裝權威」，香港Yahoo更稱譽她為「時裝文化人」，最新暢銷著作《我的時尚騷靈》。