何紫綸試婚紗晒幸福笑容
模特兒何紫綸（Ann）自與張栢芝胞弟張豪龍分手後，鮮有提及感情事，但原來她與做生意的男友拍拖已近兩年，難怪早前出席活動時，Ann形容現時感情生活很開心，加上記者在其私人網誌發現一張她跟男友頭貼頭的甜蜜合照，看來Ann嫁杏有期！
日前Ann就獨個兒現身中環一間婚紗店睇婚紗，並試穿一條短裙款的婚紗，可惜她身材太瘦削，要店員即場修改腰位，而Ann又在鏡前左照右照，不自覺流露出幸福笑容。事後記者致電問她是否好事近？Ann即連聲否認：「唔係，唔再諗兒女私情啦，今次睇婚紗主要係關於工作，我依家搞緊speed dating，教女仔儀態，同埋籌備緊開公司，主力做婚紗形象顧問，所以參考吓依家興啲咩款嘅婚紗，現階段我事業為先！」