靚靚日日鮮箍老公
袁詠儀（靚靚）、徐少強兒子徐偉棟、李思捷緋聞女友Naomi等昨日出席電影《愛情達人》開鏡禮。於片中不時對老公有猜疑的靚靚，不諱言年輕時確是如此，但與張智霖婚後彼此加深了解，加上老公易被拆穿，猜疑感覺已盡消。
靚靚更笑對「飛來蜢」：「老公實在得個殼，但入面勝過外面，為咗唔畀人哋同佢『入面』溝通，我成日畀新鮮感佢！」談到與一眾o靚模合作，靚靚直言眾人無論打扮、行為及言論均很直接，問到會否鬥大胸？她謂：「冇得鬥，依家好多人整（容），個個都差唔多樣。」同場的Naomi被問到李思捷是否其男友時，支吾以對稱是秘密，更坦言很欣賞對方。