克勤投保千萬 烏克蘭犯險

足球界盛事歐洲國家盃將於下月9日揭幕，是全球關注的盛事，早前克勤的歐國盃主題曲MV在歐洲播放後捱插，被指爆炸動畫場面勾起當地人二次大戰的傷痛回憶，不過克勤仍大無畏，將於下月17日帶同老婆盧淑儀前往烏克蘭，為烏克蘭對英格蘭的直播賽事擔任主持。由於烏克蘭鄰近二次大戰時被侵略的波蘭，now高層何麗全表示擔心，笑言會為克勤投保逾千萬，更親身陪同作貼身保護！

克勤則稱原打算多留數天遊玩，但因要照顧兒子而擱置，並非怕被襲擊：「依家都留5日，要趕返嚟照顧囝囝，我同太太上次去歐洲睇波已經係06年世界盃喇！」對於何麗全買重保險，克勤笑說：「咁益我？驚我唔返嚟咋？（怕危險？）唔擔心，每個國家搞大型活動時，警方都更關注。（畀人打？）點會有人認得我？其實我好無辜，都係唱歌啫！」

陳百祥	克勤會帶盧淑儀到烏克蘭講波兼遊覽。（資料圖片）

畫面互換互動講波

此外，now電視台將直播所有歐國盃賽事，無綫則獲其中四場賽事的播映權。據知，為增加趣味，陳百祥（阿叻）提議兩台大玩Crossover作即場畫面互換，雙方主持可即時看到對方，屆時now台主持李克勤與無綫代表阿叻及譚詠麟會大打牙骹戰，並為心水球隊打氣。

是次now讓無綫播四場賽事，更任由無綫選擇賽事，對比上屆無綫只可播三場可謂「賣大包」！據知無綫已選英格蘭對瑞典一場，now每日亦會提供半小時精華片段供無綫播放。

now體育台副總裁賴汝正承認「擺明益TVB」，問到有否額外收費？他表示是友情合作，亦相信雙方大有機會接受畫面互換的做法。無綫製作主任李漢源承認從now方面取得四場賽事的播放權，對於now「賣大包」，他說：「點講冇所謂啦！（畫面互用？）未收到最新通知，要再了解。」

文：影視組