唐寧郭晉安爭住對親家

郭晉安：「佢話咗我知啦，除咗祝佢母女平安，都要同佢講，慢慢佢就知做人媽媽好辛苦。我有睇到佢囡囡個靚樣，我個仔四歲，啱啱好可以同佢對親家，等佢保養好身體，我就會一家大細去探佢。」

郭晉安	古天樂	陳敏之戥好友開心，祝福郭羨妮三年抱兩。

唐寧：「佢向我報咗喜，遲啲會探佢，我哋都可以對親家，介紹我個囝囝畀佢囡囡識，之前我哋有分享佗B心得，覺得佢唔係緊張媽咪！」

陳敏之：「我有睇到佢BB女個相，好精靈得意，好似爸爸。（送咩？）打電話問吓佢需要先，我都係送實用嘅嘢，仲要祝佢三年抱兩！」

周家蔚：「我都好掛住佢，知佢生咗囡囡，我好戥佢開心，囡囡一定好似媽咪咁靚。（恨生？）係呀！我都好想快啲生，但今年應該趕唔切。」

馬浚偉：「以我所知新出世BB唔探得住，等我7月返嚟香港，佢囡囡滿月去探就啱啱好！（送咩？）我仲欠佢份結婚禮物，今次送畀BB女，都要送金器。」

古天樂：「係咩？（送禮物？）睇吓佢有乜需要搵人買畀佢。咁快就生咗，唔係啱啱先結婚咩？」