張致恒新目標 女神劉心悠
英皇藝人張致恒（Steven）在圈中的緋聞不算多姿多采，惟他自爆以前是花心情聖，Steven自言不怕被翻舊帳，反正每個人都有過去；Steven還坦承台灣女星劉心悠是他心目中女神，期待合作的機會！
現年28歲的張致恒，入行至今緋聞不算多，令人印象較深刻是他與鍾舒漫的緋聞，但Steven直認過往是花心情聖，談及感情現況，信主的Steven笑稱：「依家只對耶穌有感情。」及後他才認真說：「以前亂咁搵（女友），覺得嗰個靚就同佢拍拖，都玩咗5、6年，玩到自己都攰，依家修心養性，每一步都要諗清楚。」問到會否擔心被翻舊帳？Steven說：「人總會有過去，我唔怕被翻舊帳，最緊要係自己有冇勇氣去面對，對自己問心無愧就OK，我依家盡力過緊新生活。」
怕醜不敢示愛
圈中美女多不勝數，但Steven自爆對寶島女神劉心悠情有獨鍾，他說：「劉心悠係我女神，一直都Like佢，佢有獨特吸引力。（向佢表白？）我唔夠膽又怕醜，但希望將來有合作機會。」
另外，唱而優則演的張致恒，早前首次參演無綫處境劇，令他獲益良多，Steven說：「若然唔計客串，今次確係我首次拍劇，我覺得拍劇可以入屋，拍嗰時係有啲緊張，但同劇中演員相處融洽，拍得好開心。」
採訪：專案組
攝影：謝國華
服裝：Pixel by Golfjunkie
髮型：Moe@MMIL COLPO