張偉文開騷散步練氣
59歲的實力歌手張偉文將於6月假Star Hall開騷，他笑言年紀漸大怕唔夠氣，故有空便到公園散步45分鐘練氣，他說：「兩年前喺文化中心開騷，握完手上番台要深呼吸好多次，但唔可以表現出嚟。」
曾6次開騷的張偉文，演出經驗十分豐富，他笑說：「我呢個年紀已經冇乜壓力，只要準備工夫做好就得，唔使驚出錯，個個嚟捧場都係鍾意自己。」由和音唱到今日的成績，張偉文感慨說：「呢行好多時曇花一現，自己呢10年算係咁，估唔到有呢個成績，以前唱和音，好景時一年會賺到5、60萬，但點都冇幕前搵咁多。」