甄詠珊遇真愛︰想聽日就嫁
蜜運中的女星甄詠珊無意為昔日組合Freeze的性感形象洗底，因為總有人欣賞自己，男友也接受到過去的她，恨嫁的她笑說：「好想明天就結婚！」
剛勇敢承認「拆彈」的甄詠珊跟亞視簽了藝員約，近年以主持工作為主的她給人傻大姐感覺，跟昔日組合Freeze的性感形象截然不同，她否認為了洗底，性格率直的她說︰「底係洗唔到，亦覺得冇需要，以前都有人欣賞你o架。」跟圈外商人蜜運中的她說：「男友都了解我係Freeze出身，佢知我為生活，有啲嘢身不由己，我做好自己就好了，況且做Freeze時唔係咩壞事，又唔係偷去搶，只係依家做番自己舒服得多。」
拍慈善戒毒電影
雖然Freeze早已解散，但甄詠珊未有放棄唱歌工作，喜歡填詞的她有好多作品︰「我仲錄緊歌，其中兩首歌都係自己填，我唔急出碟，會慢慢來。」不過她最愛還是拍戲，希望有更多演出機會，稍後將接拍慈善戒毒電影，戲中跟胡渭康合作，她說：「有片酬，但對我來講錢唔係最重要，係角色有冇得發揮。」
低調處理感情事
事業穩步發展的她，愛情亦如意，甄詠珊笑言：「女人好難愛情、事業兩得意，人哋都話搵到個好老公即等於搵到份好工。」之前拍過幾次拖，但都未想過結婚問題，她笑說︰「但依家呢個男朋友，令我好想明天就結婚。」但為保護戀情，她希望低調處理。
採訪：音樂組
攝影：黃叔榮
髮型：Jobby@Hair R
場地：Hair R