N'Gine Rock爆18區
日前樂隊N'Gine獲邀擔任展覽車音樂會嘉賓，並將於在5月底在大型展覽車「街頭號」上舉行首個街頭音樂會，屆時他們將唱遊18區，由朝玩到晚。結他手Fantasy表示：「依家我哋好努力練歌同體能，希望屆時可以Rock爆18區，令更多人認識我哋，記得我哋首新歌，喜歡街頭音樂嘅朋友記得留意，我哋隨時會捉住你哋一齊Jam歌，一齊玩。」
N'Gine為帶給歌迷新鮮感，兩個月前請得形象設計師為他們打造新look，主音Dan謂：「我哋一向鍾意深色衫，造型都好隨意，但新形象要畀人色彩繽紛嘅感覺，講真初時真係覺得嚇一跳，好在歌迷見到我哋個新造型時都大讚，所以打算嚟緊玩街頭show時，都會keep住呢個造型同大家過夏天。」