陳司翰險炸爛手 勸新丁小心
陳慧琳細佬陳司翰（Victor）早於十年前轉戰內地拍劇，密密賺人仔，曾拍攝爆破場口險被炸藥炸爛手掌後繼續拍攝，目擊武師直墮地面，勸喻北上掘金的新人千萬注意安全，內地工作危機重重！
Victor近年北上拍劇掘金，早於2000年轉攻台灣偶像劇，繼而北上拍劇，但他不諱言在內地拍劇危機重重：「試過第一次拍爆炸戲時，原本我係扮中槍，點知啲炸藥計錯咗，隻手幾乎炸到爛咗，啲工作人員仲同我講：『冇事o架！』但我成手都係血，貼完膠布仲要繼續拍！」
戲組見慣意外
他在劇組現場多次經歷危險的動作場面，剛從內地完成跳樓戲，再次遇上新挑戰，他愈說愈激動：「有個武師吊威吔試緊位，突然『啪！』一聲跌咗落地，我見啲人即刻抬走佢，若無其事繼續做嘢，好似見怪不怪！直至我埋位前，都有再問導演係咪真係冇事！」眼見武師直墮地面，他再親身上陣，拍足十個Take，Victor直言：「內地啲錢係好似好好賺，但如果新人想上去拍嘢真係要好小心，你可能預計唔到有時啲環境好危險！」
劇本比港優勝
即使內地拍攝場面看似危機重重，但Victor仍堅持內地劇本有好質素，他淡淡然表示：「內地地方大，有多啲好劇本揀！我仲有機會揀劇本！」至於回流香港拍戲，他說：「有機會當然會返嚟！但想等個好啲嘅劇本！始終我想拍啲合理嘅劇本，想等個好啲平台。」
文：專案組 攝：劉志源 化妝：Joe Wong
服裝、場地：Zadig & Voltaire @ I.T
髮型：Man Chiu @ VIA IL COLPO