珍豬仔黃梓柔考試放縱唔戒口
夏日已到，神獸天使「珍豬仔」黃梓柔（Rachel）憑「肥嘟嘟」外形及活潑性格深得男fans喜愛，但她直言正為減肥煩惱，她表示早前忙於考試，故要「食多啲」保持精神，因此有藉口暫緩減肥計劃。
最近她開始跑步及食得清淡，問到最想減哪個部位？她說：「肚腩、大髀、Pat Pat……哎呀！其實係全身都要，最辛苦係要戒口，因為好鍾意食甜品。（目標減幾多？）減15磅！」Rachel表示過往食極唔肥只得九十多磅，但近兩年突然「勁吸收」，她笑說：「可能已過咗青春期，踏入更年期，朋友冇見我兩年都話我做咩咁脹。」