林穎彤 搶咪晒歌藝

19歲無綫小花林穎彤（Bella）日前出席商場騷與小朋友大玩遊戲。Bella表示做童星前其實十分細膽，全靠媽咪推波助瀾，她說：「我好鍾意匿喺屋企唱歌，但唔敢面對公眾，記得九歲左右，媽咪靜雞雞幫我報名參加歌唱比賽，最後我又唱又跳《花花宇宙》贏咗冠軍，之後就有信心做童星演戲喇！」成功「釋放」表演欲後，仍是小朋友的Bella於除夕活動上台助興，恰巧台上的藝人正獻唱《花花宇宙》，Bella竟搶咪唱埋一份：「呢首係我飲歌嘛！我咪搶咪囉！相信個表演者都好無奈！」