黃婉曼歐洲攬仔 唔畀男友睇
節目主持黃婉曼（Icy）早前為拍攝歐國盃旅遊節目，遠赴波蘭及烏克蘭，旅途上她經歷多段歐洲艷遇，又與男模攬頭攬頸，惟恐男友呷醋，Icy連特輯播出時間都不敢跟男友講！
向來鍾意睇波的黃婉曼，早前偕男主持駱振偉前往波蘭及烏克蘭拍攝一個以歐國盃為主題的now旅遊節目《One Life One Euro》，她更有幸現場觀賞足球賽事，跟當地足球員來個近距離接觸。
擺性感甫士
Icy認為波蘭男仔對香港女仔甚有好感：「因為當地好少亞洲面孔，佢哋覺得我哋好特別，仲成日以為我係日本人，不停用日文同我打招呼！」今次歐洲之旅，Icy可謂艷福無邊，不時跟歐洲靚仔作近距離接觸，她對波蘭一對教她相撲的孖仔更是念念不忘！
Icy抵達烏克蘭時獲當地一位超模教行貓步，她即場跟一名男模親密攬頭攬頸，作狀擺出性感甫士，她笑言拍出來的照片絕對不可以給男友看到！但她男友最擔心的不是歐洲猛男，反而是同行的男主持駱振偉。
加同床情節
由於劇情需要，Icy和駱振偉會浪漫坐馬車及有同床情節，她每次拍攝前都要先向男友備案：「我玩笨豬跳好驚嘅時候都會攬住個男主持，後來我同男友講，佢安慰我架咋！我男友就話等佢睇咗先再作定奪！」她表示沒有跟男友刻意提及節目於何時播出，怕他睇到眼火爆！
文：專案組
攝：秦健輝
服裝及場地：IPOSH