陳慧琳撐細佬單身多識女仔

樂壇天后陳慧琳（Kelly）昨出席活動時，對有指其胞弟陳司翰經常夜蒲，致令Kelly對他失望，Kelly昨力撐弟弟：「咁大個人我邊理得咁多？佢嗰日生日食飯，唔使特別講。（報道話佢掛住玩冇探過小龍包喎？）佢有送禮，有一家人食飯。」繼而表示自己不會囉唆弟弟的私生活，認為他自有分數。問到弟弟被指頻頻換女伴，她覺得弟弟屬單身，自然要識女仔，又稱未見過弟弟的女朋友，後又表示之前的女友就有見過。

另外，Kelly踢爆大仔「蝦餃仔」已變一家之主：「佢依家咩都要接觸，以為自己咩都識，一家之主咁。（照顧細佬？）望吓囉，但唔敢抱，佢知自己唔夠力。」她謂現時正教導蝦餃仔上廁所，為怕囝囝隨屋瀨尿，家中的梳化亦已包上膠袋。Kelly還表示湊仔令她不能放鬆，更坦言開始影響工作：「個心畀咗佢，唔想miss佢哋任何嘢。但老公就只有幫手玩，冇幫手湊仔。」