譚凱琪跳傘餵鯊搵命博
有線節目主持人譚凱琪和鍾健威早前到斐濟拍攝旅遊節目，二人上天下海樣樣齊，譚凱琪更在節目中獻上多個第一次，包括空中跳傘和出海餵鯊魚。她大爆在空中跳降傘時多次想作嘔，着地一刻更驚到腳軟企唔穩，她說：「咁刺激，真係好怕自己心臟負荷唔到。」
之後二人又出海餵鯊魚，鍾健威更自告奮勇落海與過百條鯊魚近距離接觸。譚凱琪事後笑言說：「我拎啲魚肉出嚟，都未放落水，嗅覺靈敏嘅鯊魚已即刻游近水面，有啲甚至跳出水面爭食。如果落水，萬一畀鯊魚咬中咁點算？幸好我冇潛水牌，有『免死金牌』唔使落海。」經過連番的膽量挑戰，譚凱琪大嘆：「拍旅遊節目每次都要搵命博，但我又博得好開心。」