衞蘭：唔敢煩阿Mark

我在娛樂圈的朋友很少，雖然出席活動會遇到好多歌手朋友，但都只是Say Hi、Say Bye，真正私下交心的沒太多，而近年返教會便認識了王君馨，做歌手和藝員面對不同的壓力，電視台和樂壇一樣競爭激烈，大家會傾訴心事互相勉勵。

寧搵女仔傾心事

然而在音樂上遇到的問題都會請教阿Mark（雷頌德），他是我不二之選亦師亦友，不過，阿Mark工作繁忙，又要照顧家庭，我盡量都不會打擾他。在我來說，行街睇戲傾心事，始終女仔應找回女仔朋友先適合，因男仔很易「心動」，以為普通朋友和他食飯聊天，他便會懷疑是否喜歡他。

男樂手諗錯隔籬

曾經入行前在酒廊唱歌，因工作經常與一名樂手接觸，我對人一向很Nice，但對方就「諗錯隔籬」以為我對他有意思，最後我沒有再到那酒廊唱歌，才令他死心。所以，雖然娛樂圈接觸人的機會很多，但自己表現不會太主動，不論對方是單身、有女朋友或者已婚，我都堅持會保持距離，避免煲電話粥和單獨約會，正所謂「唔係自己杯茶」就唔好太Close，否則對方收錯Signal就大件事。（完）

後記：撐女星未婚懷孕

Janice近年變成一位虔誠基督徒，開口埋口離不開講「神」，Janice話就似一個鍾意打Golf（高爾夫球）嘅人，好自然就講Golf嘅嘢，而神喺佢心目中好重要，好難控制唔講「神」。講起女藝人「未婚懷孕」，Janice則幫口解畫指神列出「十誡」，普遍人都認為信主應該要完美唔可以犯錯犯禁，但人根本唔會完美，唔係信主就變完美，點都會做錯事，神就係睇大家識唔識悔改，需要神嘅恩典。

口述：衞蘭

筆錄：音樂組