陳嘉桓冇錢掃貨 陳嘉容預告性感
陳嘉桓（Rose）、杜宇航及名模陳嘉容獲LPG品牌贊助到康城走紅地氈，三人在巴黎逗留一天後，於康城時間昨日飛抵當地。Rose興奮表示：「喺巴黎去咗鐵塔同羅浮宮，好得意。」問到有否帶備足夠「彈藥」血拼？Rose說：「冇呀，有相機就得，影到靚嘢已經值回票價。」她笑言原本想孭背囊四處遊覽，但最終決定隨大隊返港。
陳嘉容預告會在紅地氈以超性感示人，她謂：「我都差啲唔敢着，但諗起有啲嘢後生唔做，老咗冇得做，所以決定豁出去。」問之後轉飛布拉格拍寫真會否全裸拍攝？陳嘉容笑指記者鹹濕，但默認會超大膽。杜宇航則透露仍與贊助商研究紅地氈戰衣，應該會效法成龍穿唐裝服出場。