周汶錡38歲生日冇禮收

周汶錡（Kathy）剛於本月20日度過了她的38歲生日，當晚她與妹妹周麗淇、男友Julien Lepeu以及一班好友包括張智霖和太太袁詠儀、伍詠薇和老公練海棠、蔡一智夫婦、馬德鐘夫婦等一起慶祝。Kathy說：「阿智老婆個肚咁大都嚟，好難得。我同阿智個女同一日生日o架，佢晏晝陪完個女，夜晚就過嚟。第時佢個女大個咗可以一齊慶祝。」
周麗淇（左）祝姐姐周汶錡（中）夢想成真。
周麗淇（左）祝姐姐周汶錡（中）夢想成真。

Kathy表示今年沒有收到任何生日禮物，連男友都沒有送，花也沒有，因她叫大家不要浪費金錢送禮，寧願將錢捐去做善事，她說：「難得相聚，可以一齊食餐飯，飲吓酒跳吓舞已經好開心。（生日願望係咩？）夢想成真。（咁夢想係咩？）唔講得o架！（結婚？）未住。」

周汶錡（左）與一眾好友包括張智霖與袁詠儀（前右一、二）等一齊賀生日。
  • 周汶錡（左）與一眾好友包括張智霖與袁詠儀（前右一、二）等一齊賀生日。