江若琳怕被認出 更衣室戴泳鏡
江若琳（Elanne）與同門師妹林司敏（Ciwi），及組合Super Girls昨出席adidas活動，並即場表演一系列瑜伽動作。Elanne表示自己從小便學習體操，故筋骨非常柔軟，可以做出不少高難度動作，她說：「同朋友玩耍盲雞真係可以縮入好細嘅枱底！」另外，她透露自己時常游泳，但只會穿一件頭泳衣，並笑言：「我好低調嘅，去泳池仲會戴泳帽，因為唔想畀人認得，就算喺更衣室都會戴住泳鏡。（怕畀人影？）覺得冇必要，但如果同朋友去沙灘就會着三點式，有人陪吖嘛！」
而Ciwi則自爆從未穿過比堅尼，因自己非常大頭蝦，即使被拉帶亦懵然不知！她沒好氣地說：「中學嗰時好興拉人帶（掛帶內衣），我成日畀人拉咗都唔知！（走光？）咁又冇，有件tee頂住。」
