李晉強翟威廉 唔怕秋後算帳
男藝人肉照風波當中涉及無綫不少藝人，無綫有鑑於此內部正在擬訂一套「指引」，提醒旗下藝人往後接拍外面工作要保持警覺，包括女藝人私下言行，以杜絕同類事件發生。對於無綫新政策一眾上位中的小生李晉強及翟威廉等均表贊同，當中有人承認曾拍下泳褲照，但早已向公司備案，不怕秋後算帳。
娛圈近日驚爆男藝人拍攝踩界艷照，事件震驚全港，加上牽涉藝人不少是無綫藝人，為保護公司形象及旗下藝人，無綫高層特別開會商議，決定針對事件向欠缺經驗的藝人及後起之秀，發出最新內部指引，引領藝人免走歪路。
消息指，會議中除提點藝人遇到有人要求拍攝任何照片時，需第一時間提高警覺，並應免受花言巧語欺騙，若遇到有人自稱可介紹高層或可提供演出機會時，藝人需謹慎處理，並第一時間向公司匯報。無綫亦提醒藝人，行為要檢點，不應隨便在公眾地方喝酒，亦應小心與陌生人的相處。
陳智燊讚好窩心
據知應屆港男李晉強及前港男翟威廉，未入行前均是影樓常客模特兒，被問有否影過大膽泳裝照？李晉強直言早已自設底線，故不擔心遭人「秋後算帳」，他說：「我當年影嘅相最激都係底衫短褲，反而參選香港先生時着泳褲仲激！」他更指識得在「危急」時候，大叫「唔好」保護自己：「雖然我廣東話不好，有問題或遇到唔想做嘅嘢我識得講唔好！」
而翟威廉在日本任模特兒時，曾拍過泳褲照，但他不擔心遭人翻舊帳：「形象好就冇問題！我做模特兒嗰陣得十幾歲，冇乜嘢可以畀人利用。我好彩冇遇過人用花言巧語氹我。」而同樣遭力捧的陳智燊則大讚無綫新措施好窩心。
梁烈唯見過鬼怕黑
至於曾被指捲入非禮事件，之後證清白的梁烈唯，則認同藝人在公眾場合應加以檢點：「雖然嗰件事唔係事實，但令我更警惕自己喺公眾場合要注意言行，朋友就話信我啫，但唔熟嘅人見到我唔檢點，會好易產生誤會。」而憑《On Call36小時》為人熟悉的魏焌皓，透露曾半裸上身拍廣告，他說：「就算除衫Casting，我都堅持着短褲，我接受唔到三角褲！」
無綫外事部副總監曾醒明昨日承認無綫內部將向旗下合約藝人發出溫馨提示，特別針對新人，提醒他們潔身自愛，不要受外間物質引誘而誤中陷阱，曾醒明說：「時下環境複雜，外間太多物質引誘，無綫就呢種風氣問題，所以向旗下藝人勸喻，希望大家正視紀律問題，（只保護經理人合約藝人？）藝人係無綫資產，其實無分你我，就算唔係經理人合約藝人，都應該受保護。」
文：影視組