DJ路芙五車連環撞險夾扁

新城DJ路芙昨午遇上車禍，她本駕車經由獅子山隧道往九龍方向，怎料在隧道口竟發生五車連環撞！路芙敍述事發經過：「嗰陣去到隧道收費亭前嘅黃線位，但第一架車突然急停，前面同我架車都停得切冇撞到，但後面兩架車停唔切撞咗埋嚟，將我架車推前，掂到前面嘅車尾。」她又稱意外發生時也感到緊張：「嗰一刻好亂，但係好快就落車睇其他人有冇事同報警，點知第一架急停嘅車主落車之後，竟然話自己架車都係花咗少少，問可唔可以走先？我哋都即刻影番每架車嘅車牌，同埋車同車之間嘅距離。」她並言車尾損毀嚴重，故至少修理一個月。

落口供等調查

雖然路芙發生意外受傷，但她到醫院驗傷後堅持繼續返工及訪問鄭融，問到路芙傷勢如何？她謂已到醫院驗傷：「照咗X光，chok親胸口同肩頸位，呼吸嘅時候都有啲痛，醫生話睇唔到有裂痕，叫我如果一星期後仲痛就搵佢。」她又謂駕駛16年從未試過發生這類事件：「好彩今次冇事，好感恩！所以夜晚都會返一返教會。（第一架車點解急停？）唔知咩事，但我哋已經落咗口供，要等警方調查後先知。」她並言安全帶的確很重要，故下次買車定以此為首要條件。

路芙展示其座駕被撞後的頭尾損毀程度。

放大圖片

鄭融送上慰問

此外，鄭融昨日到電台接受路芙訪問，她得知對方撞車都有送上慰問。宣傳新歌的鄭融透露即將拍攝MV，當中更會與男舞蹈員大跳拉丁舞：「都會有啲貼身舞，但我覺得好睇，跳舞老師仲讚我有天分！」她又稱最近發現香蕉是其唱歌恩物：「因為食完又唔會太飽，但又有力量，試過幾次都好有用！」

文：音樂組