祖兒落形dry到龜裂
天后容祖兒在女人最燦爛時刻，不介意着得火辣性感示人，大晒骨感美的她笑言自己個胸是「真」的，但自爆dry到肌膚「龜」裂，因壓力太大，導致消瘦落晒形。
祖兒昨日率師弟妹泳兒、陳偉霆（William）、羅力威等出席品牌頒獎禮，同場還有藝人朱慧敏、鄭欣宜、吳千語等，當中以祖兒穿得最火辣性感，低胸西裝外套露微罅，後面魚網露深灰色bra邊更是春色無邊，大晒骨感身材，問到她是否真空上陣？祖兒搞笑說：「我個胸係真o架，（魚網應該掉響前面着？）下次先，我有信心，冇所謂，女人最燦爛嘅時光得呢幾年，露得幾多得幾多，自己着得開心，人哋都睇得開心。」身形弗到漏的祖兒卻直認自己好dry，她說：「龜裂咁，塊面瘦晒落晒形，因為呢排做緊國語大碟好大壓力。」
重慶做騷唱到失聲
祖兒自爆日前到重慶做騷失聲，她說：「呢幾日唔舒服仲不停屙，嗰日唱到冇咗聲，身體有病控制唔到，影響到演出我都同觀眾講唔好意思。」因為內地不能假唱，所以她要耗盡完成演出，她苦笑說：「我用最大嘅力去唱報答歌迷。」記者提議她用拍拖治dry爆的良方，她笑說：「我個樣冇乜嘢，反省咗好多次，大家唔使同我擔心。」
William自問行得正
William再三否認與同志富商劉定成認識，他表示警方沒有接觸過他，他說：「件事只係困擾咗一日，自己知自己做乜就得，我好清楚自己立場，識我嘅人都唔會信。」而欣宜的緋聞韓模男友崔豪進被指行泳褲騷時「動L」，她笑說：「咁搞笑，（你有冇信心令佢動L？）作為女仔要有信心。」
文：音樂組