陳嘉恒初踏康城 恨撞吸血鬼

陳嘉桓、杜宇航獲法國護膚品牌LPG邀請到康城電影節出席活動，同行還有名模陳嘉容，第一次去康城的Rose，坦言心情十分興奮，前一晚更失眠，她說：「我成晚瞓唔着，朝早先瞓到，十足十小學生去旅行咁。」

清新戰衣

Rose坦言此行帶了十多套衫，其中包括一套行首映紅地氈的戰衣，問到戰衣會否以性感掛帥？她表示：「唔會太性感，以簡單為主，希望畀人一種清新感覺。」

陳嘉桓與師兄杜宇航結伴啟程。

左起：陳嘉桓、陳嘉容與杜宇航同飛康城。

康城電影節乃國際影壇盛事，不少荷里活巨星雲集，Rose笑言也聽過《吸血新世紀》型男羅拔柏迪臣會在當地現身，如不用工作的時候，Rose會在當地閒逛參觀遊覽之餘，亦希望看看是否有緣能遇上羅拔：「撞到嘅話，可以影張相留念。」

見慣場面

有機會去康城，Rose緊張得徹夜難眠，反而師兄杜宇航則淡定得多，他坦言以前做運動員見慣場面，所以不會感到太緊張，笑言若將來能夠憑自己主演的電影在康城行紅地氈，感覺會大一點，因會很有滿足感！

談到未來工作，杜宇航表示要為新戲宣傳：「喺康城返嚟之後，我就要開始為電影《大武當》宣傳，呢套戲入面，我做反派，都有好多發揮機會，尤其經常會同趙文卓拍對打戲，真係場場都打到飛起。」

文：影視組