古巨基行紅地氈 被Justin搭上
英皇歌手古巨基於美國時間5月20日在拉斯維加斯出席BillBoard音樂頒獎禮，成為首位亞洲歌手被邀請出席這個國際音樂盛事，為華人爭光的基仔有幸跟人氣小天王Justin Bieber、Usher、Linkin Park、Taylor Swift、The Wanted等一眾國際巨星參與行紅地氈。
讚親切友善
首次參與國際音樂盛事的基仔形容心情好興奮，他覺得好榮幸，能夠與這麼多國際歌手一齊行紅地氈，他說：「係好難忘嘅一次。」 在紅地氈上基仔更與Justin Bieber相遇，兩人一同合照，Justin親切地搭住基仔，離開時又主動握手，基仔說：「第一次見到Justin，覺得佢好親切好友善，佢喺現場嘅演出好正。」頒獎禮上基仔對Whitney Houston致敬一幕印象最深刻，他說：「佢個女代佢上台領獎，全場企晒起身，場面好感動！」
邀即席清唱
當日基仔以一身英國設計師Gareth Pugh黑白造型配襯一對長黑皮boot現身，有外國傳媒對基仔這位亞洲歌手感到好新鮮，當他一踏入紅地氈即大叫基仔的英文名Leo，閃光燈閃個不停，期間有外國媒體邀基仔受訪，並要求他即席唱歌，基仔即興唱了幾句《愛得太遲》，而Billboard Fashion頻道的主持人對基仔一身造型大為欣賞，做訪問時鏡頭由頭影到落腳。
文：音樂組