劉心悠畀新郎錫面尷尬

劉心悠昨日婚紗上陣出席奇華嫁喜禮餅宣傳活動，期間除播放新一輯電視廣告外，還安排同樣穿上新郎禮服的男模及廣告中的日籍小女孩出現，男模於司儀要求下親吻心悠面龐，不過心悠卻顯然有點尷尬，反而與日籍小女孩卻相當親暱，不時攬着對方拍照，心悠更在活動中簽誓詞，笑言會盡代言人責任，「嫁」給奇華。

劉心悠在活動中簽約「嫁」給奇華。	被男模咀面，劉心悠大感難為情。	面對可愛女孩，心悠母性流露。

親熱事前冇綵排

事後被問到為何表現尷尬之色，心悠笑謂：「因為令我諗番幾年前喺一個儀式開幕禮上面，突然畀人錫一錫，雖然今日事前係有講，但冇綵排過，都唔知幾時錫。」已非首次穿婚紗的她，坦言寄望他日能舉辦一個平凡婚禮，只穿上牛仔褲及人字拖，不過自言是宅女一名，根本沒有追求者，更謂：「我一直都冇投資感情，所以唔會為幾多歲結婚畀自己壓力，因為好多嘢都係強求唔到。」

唔信謙仔拍裸照

對於師弟羅仲謙近日捲入裸男照風波，心悠直言相信謙仔，問到會否覺得裸照是年少無知時拍下？她謂：「咁佢依家都好細個，baby fat呃到人，我唔信，佢都好陽光（涉案者劉定成話謙仔成熟靚仔！）咁對方鍾意佢外形囉！不過件事警方處理緊，唔方便發表太多意見。」

文：影視組