熊黛林冇諗秘婚睇城意
世界小姐張梓琳及名模熊黛林（Lynn）昨一齊現身鞋履活動，張梓琳以黑色透視恤衫配短褲打扮，而熊黛林則穿連身皮裙，兩位高妹同場較量，不過Lynn的美腿明顯不及張梓琳，加上張梓琳若隱若現的透視裝，輕易搶去風頭。
Lynn被問到有指小美不悅她一事？她說：「我冇好正式講過同佢互相認識，唔明點解咁寫？」問到會否希望得到小美祝福？她續說：「我希望有日搵到自己幸福，得到大家祝福。（秘密結婚？）吓，冇諗過，點解大家咁急要我嫁出去？（城城求婚會閃婚？）睇誠意，依家提起結婚就驚，（城城冇幫你出頭？）唔使，男人應該咁，型型哋OK，唔使講好多嘢！」對於早前她表示受委屈？Lynn謂因一時想不通才會這樣說。