馮德倫單拖獵洋妞
導演馮德倫（Stephen）以品牌代言人身份到康城，他趁「520（我愛你）」當日出席法國電影《Amour》首映，雖然氣溫低至10度又橫風橫雨，現場不少女星照樣穿上低胸裝競艷，被譏一支公的Stephen說：「Dry都冇辦法，唔通你哋陪我？」
Stephen昨日接受本報專訪，暢談工作與愛情，他說：「我公司今年會搞5套戲，投資合計逾5億人民幣，我嚟康城順道同製作人見面交流。我有信心《太極》三部曲男主角會紅，暫時我哋將佢保密處理，到時有鋪天蓋地宣傳。（幾時成家立室？）屋企冇催我結婚，我呢個年紀唔會玩玩吓，遇到啱嘅會結婚，唔想再浪費彈藥。（接受洋妞？）冇所謂，最重要溝通到，我英文唔錯。」