鍾鎮濤：佢鍾意掩耳唱歌

鍾鎮濤：聽到呢個消息好愕然，好可惜。自己好鍾意Bee Gees，佢哋嘅歌係深入淺出，我早期學唱歌就係唱佢哋首《I Started A Joke》。當年我哋溫拿同Bee Gees喺香港係用同一個經理人。對佢最深印象係，當年未發明耳機，所以羅賓好鍾意掩住隻耳嚟唱歌。

陳慧琳：Bee Gees有好多金曲，自己最鍾意《How deep is your love》、《First of may》、《Staying alive》，呢排好多經典歌手離世，真係好可惜。

梁柏濤：70年代我係Bee Gees喺香港經理人，1972年大球場開騷，全場爆滿，但場外仍逼滿幾千人唔肯走，最後收$5畀佢哋照聽歌。曾為Bee Gees推出過卡拉OK碟，銷量創下近廿萬紀錄。2005年同2008年羅賓個人來港演出，亦有請佢到後台見面。知道羅賓患病消息後，亦叫他小心飲食。

G.E.M.：自細已經聽Bee Gees嘅歌，佢哋有好多經典嘅歌。我覺得Robin嘅離世係一個好遺憾嘅消息，不過佢哋嘅音樂會永遠留喺大家心中，因為實在太經典。

方力申：又一位偉大嘅音樂家、巨星離開我哋，感謝佢曾經帶畀我哋美妙嘅音樂，我會聽佢嘅歌去懷念佢。