JC自爆戀上俊男
Jessica C.昨日穿上三點式，拋出「警鐘胸」迎接炎炎夏日。與前男友Sergio分手後一直單身的她，自爆於洛杉磯戀上一名俊男。但由於她決心以工作為先，以及不想飽受異地戀的煎熬，故刻意抑壓自己的感情，並未放膽戀愛。
「警鐘胸」Jessica C.（JC）、落選港姐蔡慧欣、「華姐」張慧雯及韓模崔豪進（Jin）等，昨日為「一田情熱ALOHA水着Show」擔任模特兒，並換上多款泳裝上陣，吸引大批龍友爭相拍照。
抗拒異地戀
JC以其招牌「警鐘胸」來迎接夏日，但久未露面的她明顯發福不少。問到她的感情狀況？她自爆自己於洛杉磯愛上了一名男子，但由於不想遠距離戀愛，加上希望專注於事業，故努力克制自己的感情。問對方是否模特兒？她回應：「唔係，不過佢好靚仔。（佢會唔會嚟香港探你？）佢要做嘢，不過我希望佢會嚟。」
JC又大讚首次合作的Jin可愛又友善，問到她會否考慮選Jin為男友？她回應：「我唔想再同模特兒拍拖，想試吓其他唔同嘅。（永遠唔同模特兒拍拖？）咁又唔夠膽肯定，不過唔想返到屋企都好似工作緊咁。」另外，她表示自己剛從家鄉芝加哥返港，並自爆已榮升姨媽。她續說：「今次返去探妹妹啱啱生嘅女，走嗰陣時聽到佢喊都覺得好唔捨得。」
蔡慧欣晒32D
而同場的蔡慧欣坦言自己比參選港姐時胖了一點，故行騷前只敢吃麥皮。問到有32D豐滿上圍的她，會否行內衣騷？她坦言這次泳衣騷已是她的性感底線。而問到其緋聞男友金剛知不知道她穿三點式行騷？她回應：「我好似有講過，唔知佢記唔記得。」
文：名人組