陳妍希女神駕臨 4男獻殷勤

成龍於香港時間前晚與台灣藝人陳妍希、鄭元暢（小綜）、陳漢典、姚星彤及張孝全等現身「台灣之夜」沙灘派對，現場除播出全球首播由妍希與小綜合演的新片《花漾》片花外，更重點推介《女朋友．男朋友》及《寶島雙雄》等台灣電影。

但台灣宅男女神妍希以拖尾tube dress長裙，配以價值逾二百多萬元珠寶現身，輕易成為活動焦點，其高貴性感打扮，令在場的陳漢典及張孝全特別醒神，紛紛爭獻殷勤，連成龍亦對妍希特別照顧，正當妍希準備落台，他即叫住對方，讓妍希又再一次成為焦點，合照時成龍更伸手安排妍希站高一級，而被成龍叫錯國語名的小綜亦唔執輸，替妍希整理裙襬，但由於妍希的裙襬太長，略現狼狽。

成龍小心扶陳妍希落台，鄭元暢亦幫手拉裙尾。

成龍與Paris Hilton接受法國電視節目訪問。（法新社圖片）

排期哈佛開talk

而被封「台灣女婿」的成龍專誠由「華誼之夜」派對趕來，他說：「中國、台灣、香港嘅電影我都支持。陳妍希依家炙手可熱，我哋拍番齣愛情故事都得喎！（睇唔到房祖名《寶島雙雄》片段覺可惜？）可咩惜？佢阿媽日日喺屋企播。今次嚟康城我同咗學生對話，其實哈佛都叫過我好多次，係時候還債，安排緊，日期、時間、內容未定。」

應承阿嬌唔踩祖名

而成龍接受內地傳媒訪問，強調自己不是退休，是減少拍危險動作片，又指祖名跟他相差太遠，不能成為他的接班人，但應承了林鳳嬌，不會再在傳媒面前踩祖名。此外，成龍與Paris Hilton、英國歌手Pete Doherty等人齊齊上法國電視節目《Le Grand Journal》接受訪問，受到大批粉絲夾道迎接。

戴佩玉康城直擊