區文詩醒目避鹹豬手
歌手區文詩（Angela）、汪詩詩表妹湛琪清（Jessica）、黃芝琪等前晚出席「1st Year Anniversary of Bisous派對」，Angela透露有留意錄音室負責人涉嫌強姦女藝人事件，她說：「知佢係邊個，有佢Facebook，做過TVB節目都會上過佢studio，我有上過去，有合照，仲送過隻碟畀佢，係幾面之緣。覺得佢好nice，好正常。不過，我唔知件事，唔方便評論。」此外，問到有否試過被鹹豬手？她謂：「最多影相時畀人攬吓腰，試過有客戶老闆愈攬愈前啲高啲，惟有自己醒水避開。」
另外，Jessica低胸裙性感到場，被問到是否鍾意夜蒲？她說：「我鍾意留喺屋企睇戲，如果我去蒲，我會同信得過嘅朋友去，因為媽咪都擔心我去夜店，唔想佢哋擔心。」她又表示現要專注工作，暫不需要男朋友。
