熊黛林委屈：啲說話幾難聽

前晚熊黛林與師妹Angelababy及歌手張致恒、泳兒、鍾舒漫、羅力威、名模汪詩詩、汪圓圓、琦琦、馬詩慧、黃佩霞、諸葛紫岐等出席活動。剛默認收到男友郭富城三卡鑽戒的Lynn，是晚卻十指皆空，她說：「戴住條手鏈就得啦！（條手鏈都係城城送？）唔係！」她其後似有所指地說：「有啲嘢我唔想太高調，唔想次次人哋寫乜我都回應，有啲嘢太無聊、太誇張，一年寫幾次，我冇真係回應過，我依家講到結婚同戒指都嚇親，好恐懼。」

講少啲錯少啲

再問她城城是否送了3卡戒指？Lynn說：「呢啲唔答喇，我點講都唔會正面，出面有人話我咁高調，其實我乜都冇講，記者問我就禮貌答，（係咪城城身邊人話你？）總之有人啦，我都唔想成日喺人面前講呢啲，有啲人睇完唔知發生咩事，唔知我答咩？只係接受自己想知嘅答案，我都幾冤枉吓，因為啲說話都幾難聽，以後都係答少啲，講少啲就錯少啲！」

郭富城	熊黛林（右）與師妹Baby齊亮相慶祝派對。	（右起）汪詩詩、琦琦、汪圓圓與馬詩慧鬥擺甫士。

而談到父親的健康問題？Lynn表示父親情況OK，而父親節則希望能與爸爸一起釣魚，那城城可有慰問其父？她說：「佢有，有心，（有冇介紹醫生或補品畀你爸爸？）佢係好男仔。」她又指有時間會帶爸爸欣賞城城主演的電影《浮城》。

汪小菲（左）與鄭紹康在活動上碰頭。

張致恒（右起）、泳兒、鍾舒漫與羅力威（左）同撐場。

Baby投資珠寶

而同場的Baby就謂會趁低吸納名畫作投資，又自言男友黃曉明亦甚懂欣賞藝術品，自己亦在培養中。那可有請教投資有道的曉明大哥心得？她說：「佢有佢投資，我有我投資，女仔鍾意買珠寶，男仔就鍾意藝術品，（會唔會管佢唔好買車？）唔敢。」

文：名人組