丁蟹下周殺到 秋官叫股民入市
不少藝人都喜歡投資股票，可是近日香港股票市場波動，恒生指數因受外圍因素影響，昨日一度狂插578點，最終下跌249點，報18951點收市。再加上有指鄭少秋新劇將於下周一首播，重現「丁蟹效應」，所以搞到人心惶惶。鄭少秋認為自己套劇一上，股市便會升，他說：「如果個市真係會上番嚟，我都會執番啲，因為有句名言叫『水則資車，旱則資舟』，執平貨有何不妥？」
楊思琦買樓保值
另外，自言有投資股票的袁彌明（Erica）接受電話訪問時表示，現今仍有蟹貨在手，但絕不擔心蝕到渣都冇：「我依家仲揸住期指同金，粗略估計帳面蝕幾十萬，不過我就唔太擔心，覺得今年個市唔會跌到剩番萬頭呢個水位。」她表示希望美國大選前會推出QE3（第三輪量化寬鬆政策），認為政策一出可穩定股票市場。
楊思琦投資向來以穩陣見稱，只買磚頭保值，對於股票市場波動，她說：「我冇買股票呀，自己都係買樓同儲蓄為主，亦唔擔心股票會影響樓價，因為我係睇長線嘅！秋官套劇下周上，唔知點解次次都咁邪會跌市！」黃德斌則表示自己雖然冇股票揸手，但提醒港人要小心入市：「試過有朋友跟風入市，但唔夠人快，搞到損手爛腳！」
文：專案組