學友扮friend 貼身攞料
最近圈中接二連三發生風化案，「歌神」張學友作為人父，對兩個女兒日漸長大也開始擔心。女兒未出世時學友已加以研究，他會施展外交手腕跟女兒相處，七歲的小女兒瑤萱更向父親自爆有男朋友。
合共十場的《張學友1/2世紀演唱會最終站》昨晚假亞洲國際博覽館揭幕，開騷前戴帽的學友一身運動服出席個唱拜神儀式，當他除帽上香鞠躬時，發現他頭頂紮了一條小辮子。
橫跨近兩年的巡迴，學友不停飛來飛去，少了時間陪伴家人，今次留港開騷女兒可會多見他？他說：「未必，見少啲會珍惜多啲。」
最近圈中爆出風化案，作為父親的學友對兩個女兒開始感到擔心，他的大女瑤華今年十二歲，而細女瑤萱就七歲，他說：「我都會教個女唔好飲酒、唔好出夜街，呢啲係過程，所有老竇都擔心，但又唔可以硬整規條，要就時代唔同因應改變。」
加推400門票
女兒日漸長大，他可會(目及)住女兒識男友？他笑說：「細嗰個話我聽自己有男朋友，大嗰個知男友係咩，但就唔講，要睇我外交手腕點樣，要同佢哋做朋友先得，佢當你係爹哋就會隱瞞，要令佢哋覺得我唔係管佢會好啲。」
對巡唱將要終結，學友坦言感到捨不得。而學友個唱製作人陳淑芬透露由第四場開始，每場會加推400張部分視線受阻、但貼近舞台的座位，票價二百元，已正式發售。
文：音樂組