華姐亞軍Carat 自揭底牌
藝人湯鎮宗之女、湯鎮業的姪女Roxanne（湯洛雯）順利進入港姐第二輪面試，獲父親支持的她不怕被指靠關係，會做好自己。而參賽者Carat及馮綺華都曾有選美經驗，兩女昨遭大起底。
六十多位港姐參賽者昨日到電視廣播城進行第二輪面試，繼之前藝人湯鎮宗之女、湯鎮業的姪女Roxanne（湯洛雯）被踢爆背景後，原來還有不少參賽佳麗都有選美經驗。
馮綺華曾選亞姐
當中馮綺華原來曾參加去年的亞姐選舉，當時入圍的她更是票選中的No.1人馬，亦先後獲得「最sweet佳麗」、「最想親親佳麗」獎項。
至於貌似戴夢夢的Carat中文名為張名雅，她醒目地在微博中自爆曾於2009年參選溫哥華華裔小姐並得亞軍，亦曾於加拿大新時代電視擔任主持人，2011年時曾與鄧健泓合作。另一參賽佳麗「闊臉周秀娜」Michelle則於肯塔基選美並當選「最上鏡小姐」，昨日她還坦言有信心。
湯洛雯否認整容
昨日，Roxanne單拖出現，坦言能參與複試感開心，她對自己有信心，說到父親似不喜歡她參選，她說：「佢都係錫我啫！我哋傾過偈，我同佢講驚錯過咗今次機會會後悔，佢都支持。（有指你鍾意夜蒲同曾經整容？）嗰啲相係喺個大學朋友生日聚會中影嘅，我冇整容，係以前比依家肥成廿磅，今年我都減咗十磅。（唔怕被指靠關係？）冇諗咁多，做好自己，好多嘢都控制唔到。」
文：影視組