Ana R. 不屑o靚模 性感過火
與名模Ana R.一樣由外國來港工作的伍靜麗，獲師姐大讚擁有亞洲臉孔，時裝品味獨特。Ana毫無保留將多年行天橋經驗傳授對方，叮囑師妹要忠於自我，不要隨波逐流，並慨嘆現今o靚模過分性感，應明白讀書的重要性。
Ana R.與來自馬來西亞的師妹伍靜麗（Angie）來港工作前，曾走訪歐美行時裝騷，由於二人同聲同氣，特別投緣，但礙於工作忙碌，未有時間相聚。Ana讚師妹有豐富的行天橋經驗：「Angie同我一樣喺世界各地行時裝騷，個樣又有性格！佢唔只係模特兒，連平時着衫都襯得好有自己風格，時裝觸覺好好！」身形高挑的Angie，曾獲名設計師鄧達智公開點名讚揚有個人風格。
欣賞周秀娜
近年o靚模相繼湧現成為潮流，但Ana不敢認同，她搖頭嘆息說：「唉！我哋做公眾人物，角色係模特兒。佢哋着得太性感，過咗火位！後生女都要明白讀書好重要。」但Ana很欣賞周秀娜，大讚對方聰明，並寄語後輩不要做copy cat：「可能佢哋見到周秀娜咁成功，好想做到佢咁。但呢個世界記住冇兩個周秀娜，永遠要be your own star！」她寄語Angie要忠於自己，不要隨便為市場低頭。
攝：沈健程
服裝、場地：Isabel Marant@ I.T
文：專案組