符曉薇望孖男友 拍拖搵銀

符曉薇（Leanne）出道時以模特兒工作為主，近年開始染指演藝界，自從公開跟歌手陳柏宇（Jason）拍拖後，她的人氣與日俱增，唯獨令她百思不得其解的就是，其他公開了拍拖的模特兒工作都接踵而來，但她卻是例外：「公開咗之後係多咗好多訪問，但少咗好多模特兒工作，實際賺錢就冇乜，我都有問男友點解同佢公開之後少咗咁多工作！」而他們正處於熱戀期，經常被拍到行街，舉止親密，Leanne直言若化了妝絕對不介意被拍，但奈何十居其九都被拍到素顏照！

下廚一鑊粥

這對青春小情人拍拖即將滿一周年，打算外遊來慶祝，向來男仔頭的Leanne就揚言不會親手整禮物，之前試過下廚都搞到「一鑊粥」：「有次Jason發高燒，我最初煮粥畀佢，但佢話太鹹，後來整梅菜扣肉都失敗，最後要佢室友返嚟煮肉醬意粉畀佢食！」他們認為拍拖是開心事，如果有人找他們以情侶檔出席活動都可以考慮。工作方面，Leanne去年尾跟林家棟、錢嘉樂及郭富城等前輩拍攝電影《寒戰》，她直言拍攝現場氣氛嚴肅，自己亦不敢鬆懈。

符曉薇表示自己廚藝很差，曾試過搞到「一鑊粥」。

符曉薇跟男友陳柏宇經常拍拖出席活動。

採訪：專案組

攝影：秦健輝

服裝及場地：TWIST