動漫Maggie 腳現瘀痕疑撞鬼
早前挑戰膽量去拍驚慄片的「動漫Maggie」李曼筠，近日登陸《娛樂on Show》，除分享一些毛骨悚然的鬼古外，更自爆於當地遇上靈異事件，腳上竟驚現不少瘀痕，最後要戴上辟邪手鏈求平安。
《娛樂on Show》訪問內容又快又新，近期轉攻內地影壇的「動漫Maggie」李曼筠則踩入ontv，與主持人周吉佩大談於內地拍驚慄片的古怪事。自言唔信邪的Maggie突然發現洗澡時滿身傷痕，她親身憶述當時的情景亦坦言「𢱑爆頭」，她說︰「沖涼嗰陣發現隻腳瘀晒，但當日我冇碰撞嘅戲份，覺得好奇怪。」
信世上無奇不有
Maggie把相片放上微博，及後一位導演朋友懷疑她「撞鬼」，建議她帶辟邪用品傍身，她說︰「佢叫我要帶辟邪嘢上去拍驚慄片，咁我就由香港戴咗黑色手鏈返去拍戲，點知戴咗一日條鏈已經撞散咗。」Maggie直言當時被嚇了一跳，幸安然無恙，她說︰「世上無奇不有，我都信條鏈幫我擋咗一劫！」
主持人周吉佩明顯被嚇親，其後急急轉話題，追問Maggie與戲中男主角關智斌（Kenny）拍攝時有否擦出火花，當主持人提到對方於戲中演Maggie「老婆」時，她聞言後不禁傻笑，更為「老公」平反︰「佢係演我老公，唔係老婆，我仲同佢好親密添，有唔少攬攬戲！」想知Maggie與Kenny於驚慄中如何談情說愛？Maggie還遇到甚麼奇異事件？於訪問中大談甚麼鬼古？立即click入ontv《娛樂on Show》去片啦！
文︰專案組