溫家偉有煮意目標開餐廳
港男溫家偉（Alan）近來密密獲邀主持飲食節目，繼跟小儀及金剛合作《街坊廚神》後，新一輯《食得峰騷》就跟堪輿學家蘇民峰拍住上，他笑言自己無找蘇師傅睇相，但私底下二人老友鬼鬼經常約食飯，Alan說：「我中文唔係幾好，拍嘅時候蘇師傅成日好用心教我點樣可以講好啲！」他又特地將每集的花絮整成短片放上網分享。
經常拍飲食節目的Alan原來非常熱衷烹飪，曾想過大學畢業後做全職廚師，最後因參選港男令計劃擱置，不過他仍希望終有一天可開設自己的餐廳！今年他亦多了拍劇的機會，參與了《雷霆掃毒》及《飛虎》，毫不錫身的他拍《雷》劇時小腿更不慎弄傷！.
服裝：TWIST